当前您在:主页 > 体验时评 >不让座是原罪! 记者力数 首尔地铁 4大罪状
不让座是原罪! 记者力数 首尔地铁 4大罪状
分类:体验时评 热度: 941℃

在香港,睇K-Pop明星劲风光,令港人对「韩国人」都有非一般的憧憬,以为去旅行都会好似韩剧般被人好好招呼以礼对待!好可惜,今日A君要大力打破大家的幻想,作为1年去首尔X次的韩国线旅游记者,平日做嘢被韩国人黑面真係太常见,但最讨厌一定係搭 首尔地铁 ,因为经常遇到无理对待!唔係叫大家唔好搭地铁,始终去旅行当然要靠大众交通工具,不过最好做足心理準备,尤其遇上霸道老人家、大叔大妈时就记得要避避啊!

01| 霸道老人家 不让座就是罪

「关爱座是老人家专属」似乎已成为全球地铁的潜规则,在香港即使病到七彩都唔敢坐,不过在首尔情况其实仲严重!部分老人家(真係唔可以以偏概全)真係觉得所有座位都应该以长者为先,早前更有新闻话有位大佬怀疑坐低的孕妇「扮大肚」,更出拳打孕妇个肚话要「验一验」,最后要报警了事,实在好夸张!A君自己亦遇个大妈无理挑机,突然用韩文大骂唔让位,但係明明关爱座无人坐,而且附近车箱明明有空位……果一刻真係好无奈,最惨係旁边人人都继续做低头族,最后为了息事宁人唯有起身,至此一事,A君去首尔做嘢宁愿畀贵少少都会搭的士!

不让座是原罪! 记者力数 首尔地铁 4大罪状
同香港情况一样,除了老人家,年轻人即使唔舒服都唔敢坐关爱座!
不让座是原罪! 记者力数 首尔地铁 4大罪状
韩国年轻人都话关爱座并唔係优先座,而係老人家的专用座位。
02| 背包党低头族 完全唔理人

如果老人家是霸道,年轻人一定係超自私!我明白有时一个人搭地铁唔想被骚扰,低头玩电话同戴耳机听歌真係人之常情,但可唔可以留意吓路面情况?韩国背包党低头族一旦进入手机世界,就会完全唔理其他人,撞到人唔道歉、背包阻路又唔让位,最夸张係用「咩啊!你阻住我打机」的鄙视眼神回应你,嗰一下真係好想发火啊!A君就试个被高踭鞋一下踩落新波鞋,痛到眼泪都飞咗两滴出嚟,正当我想睇睇係边个攻击我时,个位女士竟然在检查自己对鞋个踭有无烂,然后黑面再头也不会走咗去,实在劲无礼貌!

不让座是原罪! 记者力数 首尔地铁 4大罪状
背包党阻到人但完全唔会让路!
03| 夜晚搭车要小心 醉酒汉色狼出没韩国人锺意饮酒,所以一到夜晚,地铁真係有好多醉酒汉出没,尤其係地铁2、3及4号线,夜晚8点就会开始有一身酒气、满脸通红的大叔出现,有好多人都只係宿醉坐在车站附近,但有少部分会左摇右摆冲入车箱搞事,A君就曾经见过一个大叔趁醉瞓落旁边的女仔膊头,吓到佢即刻起身兼落车!有网友亦试过遇到发酒疯的大叔,上车后就不停大嗌,令全部人都无奈要退避,所以大家遇到呢类情况,记得要快快离开,唔好同醉酒人士有眼神接触!

不让座是原罪! 记者力数 首尔地铁 4大罪状
好多韩国网友都话,在首尔地铁见到醉酒汉在车箱瞓觉真係好平常!
不让座是原罪! 记者力数 首尔地铁 4大罪状
夜晚女仔真係要小心,一唔留神瞓咗好容易引来色狼!
04| 转车转线 超级唔方便

以上几个原因都只係个别例子,讲真,真係唔会成日遇到,A君现实啲,同大家讲一个好多人都试个的情况,就係转错车!首尔地铁其实好方便,因为好多线又四通八达,不过真係好易落错车转错线!最多朋友仔试过一定係落错车/入错闸,发现要去对面但原来是单方向月台,最后要靠职员帮手先过到去,好麻烦!又或者係在车站内有几条地铁线,但拎住行李行咗10几分钟都搵唔到闸口,嗰一刻真係好崩溃!最惨係首尔不少地铁站都只有上楼的电梯,落楼就要行楼梯,拎住行李时真係超级辛苦,所以好多网友都话:「拎住行李,宁愿搭巴士进出机场都唔会考虑地铁!」

不让座是原罪! 记者力数 首尔地铁 4大罪状
地铁转线真係好複杂!

上一篇: 下一篇:
相关文章

最新文章

随机精彩图文